Desa Gitgit

Kecamatan Sukasada
Kabupaten Buleleng
Provinsi Bali

Desa Gitgit, Jl. Jurusan Singaraja, Bedugul

ACARA BULAN BAHASA BALI PEMERINTAH DESA GITGIT tahun 2022

Administrator 18 Februari 2022 09:32:02 WITA

Om Swastiastu,

Rahina Wraspati wuku Bala, 17 Februari 2022 magenah ring SD Negeri 4 Gitgit, dauh 08.00 wita - 12.00 wita, Pemerintah Desa Gitgit sampun puput ngamargiang pakeling parikrama Bulan Bahasa Bali Februari 2022. Kasarengin olih Bapak Perbekel, Skretaris Desa, Manggala BPD Gitgit, Bapak Bendesa Adat Pumahan dan Bapak Bendesa Adat Gunung Luwih, saha mungkah acara kairingin olih Perbekel Gitgit. Wimbakara sane sampun puput gumelar inggih punika wimbakara nyurat aksara bali sajebag Desa Gitgit (SD). Acara punika kamiletin oleh roras diri kepah dados asiki diri lanang, solas diri istri.

Parikrama puniki sampun mamargi antar tur pamilet sane polih jayanti sampun kasukserahang kriamana patra taler tropi.

JAYANTI I : Putu Ayu Lita (SDN 4 Gitgit)

JAYANTI II : Putu Nesya Veranita (SDN 1 Gitgit)

JAYANTI III:Kadek Wahyu Putra (SD N 2 Gitgit)

Inggih wantah sakadi asapunika pamargi Bulan Bahasa Bali 2022 ring Pemerintah Desa Gitgit. Kirang langkung tiang nunas pangampura.

Om santih, santih, santih Om